الحزن روتيني / ومن غير تعليل
حاجة نبيله واعتقد .. مصدر ابداع
احدٍ يشد الحيل واحدٍ .. بلا حيل
احوال خلق الله كثيرة .. وانواع
راعي الابل يشتاق للبرق والسيل
وده يحول الحول .. واتربع القاع
وراع التجارة كال مكيالة .. بكيل
ماشال همه وسّم / وللمال طماع
والمنعزل مرتاح .. عن قالٍ وقيل
لا يشتري له ذم وللذم ماباع
رجلٍ بكى ساعة سمع له مواويل
ورجلٍ بكى والسبة اعياله اجياع
رجلٍ يدحرجة الهوى ويرهبه ليل
ويخاف من ظله ولا عنده اسناع
ورجلٍ يذلل روس الايام تذليل
لأحلامه الواجد .. مصقر وطلاع
وانا اخاوي راس / واعقب الذيل
والشور صيده والمراجل لها ذراع
رغم اشتهار النيل ما اعرف النيل
والي جهل في شي يسأل ولا ضاع
ليست هناك تعليقات:
إرسال تعليق