مساجله جديده بين
.
.
المهندس حامد حويان بن زهران
.
والمحامي علي فلاح الجرمي
.
.
الصوت من الجرمي ويقول :
.
.
سلام والرزاق بيدينه مـفاتيح الغنـاه
وإن طعتني ياحامد حويان خلاقكْ طعه
عندي وصية لك ولكن غير عن كل الوصاه
والي مثل شرواك جعله في رياض ومنفعة
حامد اذا الراوي يهدفْها على كل اتجاه
أكيد في قصته كذبٍ / ماعرفنا موقـعـه
ماجيتك اعطي درس لكنك عليك الانتباه
والفرق واضح بين فعل الصامل وهرج السعــة
بعض المساءل حلها يصعب على عقل الدهاه
ويحلها عقل البسيط الي زمانه ضيعة
وانا ولو ما أعرف الطيب لزوم اوقف معاه
ولا الردي بعناه قبل تقول لي" ابرك بعه "
وبنت الكريم ابن الاصل ماشدها مليون جاه
" قلب الشجاع " يشدها وعن وصلها ماتمنعة
الجمر حامي ! قيل مير انشد هذاك الي وطاه
والبحر طامي / وانت خابر في وجيه الاقنعة
والحر من يجهل مقامه قالوا العالم شواه ..
ولاينخدع في صف ريش البوم غير الإمعة
والقدح قدح الراس / والمضمون في ما احتواه
صدر الختام / ولا فهم قاريه إلا مطلعة
.
.
-------------------
.
.
والصدى من الحويان ويقول :
يامرحبا واهلا ً هلا "..بالصاحب اللي من غلاه
كنّه من اخواني ،، عيال أمي وأبوي " الأربعه "
أشفق على طاريه عقب البعد ".. وأفرح في لقاه
يرسل مشاعره الحقيقيه ، ويهّرج واسّمعه
علي فلاح اللي رقا ".. رجم المعزّه وإعتلاه
واللي مع الله بالرخى والعسر ،، كان الله معه
العبّد ماله وزّن غير بطاعة الله ".. والصلاه
ان طاع نفسه تخّفضه ، وان طاع ربّه يرّفعه
يابو فلاح الوقت هذا قام ".. يومي في عصاه
ويمدّها بنحورنا دايم ،، ويـشّـر بإصبعه
اشّره على اللي لوّ يباع العلم ".. باعه ماشراه
وابشّر بمنهو لوّ يقولون الثمّن صعب ،، دفعه
الحزّم جدّ العزّم ".. والراوي ماندري وشّ وراه
والكذب حبْله كان طال شوّي ،، شدّه وأقطعه
المنّجي الله لو يهيج البحر ".. ياطوق النجاه
واليّا نوى الله شّر في مخلوق ، محد ٍ يمنعه
اللي زمانه لوّعه تلويع ".. من يبحث خفاه
يلقى معه من زبدة الايام ، علمٍ ينفعه
وانا طموحي راسم اهدافه ".. واباصل منتهاه
تدفعني الهمّه على القمّه وأعدّي من سعه
وإن قاله اللي لاعطا يعطي ولا ينفد عطاه
إني لسجل في جبين " العزّ حامد " وأطبعه
.
.
.
وسلامة الجميع 🌹
اتمنى ان تنال على القليل من الاعجاب ...
.
.
.
