يوم غنى الصابري بالقافيه
ينثر اترابه بـ عين الحاسدين
ماحسبت احساب ناسن هافيه
ولا شريت إلا الرجال الوافيين
سيّري يارجل لوْج .. حافيه
" للوجيه اللي تسر الناظرين "
علّ ما عينج لـ دربج .. غافيه
واقبلي للي علينا .. مقبلين
جيت ابارك ... للرجال الوافيه
واحمد الله يوم ... فاز الطيبين
جتكم (اصوات النشاما) صافيه
لين صرتوا بالكراسي فايزين
مااسترحت ولا عرفت العافيه
لين زال الشك / وصرنا الاولين
جعل ضو اللي حسدكم طافيه
وضوكم للمجد / والعليا تزين
سلامتكم
بـ قلم
علي الصابري
الحزن روتيني / ومن غير تعليل
حاجة نبيله واعتقد .. مصدر ابداع
احدٍ يشد الحيل واحدٍ .. بلا حيل
احوال خلق الله كثيرة .. وانواع
راعي الابل يشتاق للبرق والسيل
وده يحول الحول .. واتربع القاع
وراع التجارة كال مكيالة .. بكيل
ماشال همه وسّم / وللمال طماع
والمنعزل مرتاح .. عن قالٍ وقيل
لا يشتري له ذم وللذم ماباع
رجلٍ بكى ساعة سمع له مواويل
ورجلٍ بكى والسبة اعياله اجياع
رجلٍ يدحرجة الهوى ويرهبه ليل
ويخاف من ظله ولا عنده اسناع
ورجلٍ يذلل روس الايام تذليل
لأحلامه الواجد .. مصقر وطلاع
وانا اخاوي راس / واعقب الذيل
والشور صيده والمراجل لها ذراع
رغم اشتهار النيل ما اعرف النيل
والي جهل في شي يسأل ولا ضاع
ياراسي المنشغل ، ريح وريحني
الرزق مكفول عند الخالق الباري
اتعلم من الظروف الي تطيحني
واقوم من عقبها ويزيد اصراري
وجه الردي بارد ورفقته تجرحني
وافخر في رفقة كريم الطبع وآماري
الطيّب ان شافني زليت .. ينصحني
ويخلق لي اعذار مهما شحت اعذاري
والحاسد ان شافني زليت .. يفضحني
روح يسولف .. في زلاتي على جاري
الشعر مرات احاول به .. ويشرحني
واحيان يبقى حبيس الدرج واسراري
ياحسادي احفظ اسمي زين ولمحني
فوق القمم / والله الي بيده اقداري
المعاني حبك واكب له شعور
والشعر وادي ( وله شاعر يهيم)
هوبل (الراعي) بعد نبت الزهور
ودرهم نياقة على روضة خريم
يارفيقي ليه .. تنبش بالصدور
الحسد ورْث صدر صاحبة ضيم
شوم في نفسك عن اطفاس الامور
دام غيرك .. فاقد العقل السليم
غيبتك أحيان خير من الظهور
ولا تجيب الهرج إلا بالصميم
ياحضورٍ مايجي مثلة .. حضور
"يفرح الأصحاب ويغيض الغريم"
مارقى القمة سوى رجلٍ جسور
لو طريقة طال .. في ليلٍ بهيم
العزايم كان .. صادفـها فتور
والله إلـ تبطي ضمى ماجاك غيم
لاتخاوي غير من نسل الصقور
حي والله خوة الرجل الكريم
كم وجيهٍ ساعة الضيقة تبور
بالرفيق الي على الزلة حليم
المواقف مدرسة ... والعلم نور
ولا فهم هذا الشطر غير الفهيم
القراءة كنز .. والجهل مخطور
وفوق كل ذي علم رجالٍ عليم
زاد مال المؤمن العبد الشكور
ويتردى حال من طبعة لئيم
رحمتك يارب من ضيق القبور
وانت قادر تحيي العظم الرميم
يابوي منك عرفت ان الحياة لعبة
محدوده ايامها ماهي بـ ممدودة
والادمي كان مايتبع رضى ربه
ابواب الارزاق ، في ممشاه مسدوده
العقل نور الفتى .. والمجهله غبة
من طبها رفقته بالجود ، مجحودة
تمجيد الاسّماء .. والتّطبيل ماحبه
وصغار الأنفس تحب تكون مـعبـودة
والجرح لاصرت احس الذل في طبة
اموت شامخ ، وجود العز من جوده
دك قصر اليأس لو سورة رفيع
يامدّور للسعــاده والغنــاة
العمر يمضي على وجهه سريع
قبل لاتفنى تمسك .. بالصلاة
الله الي مالنا غيرة .. شفيع
ينصر المظلوم ويذل الطغاة
احمدك يارب لو بطني جويع
غايتي جنتك من بعد الحياة
