المستشرون جعلوا من الشعر شيء لا قيمة له في نظر المتلقين ، أصبحت الكلمات تافهه والمعاني ساقطة والقصائد مُكرره ، ولم نجد من بين شعراء هذا الجيل غير القليل من المبتكرين المبدعين ولذلك احاطت بي فكرة الانتقاد اللاذ لهذه الفئة من الشعراء حيث انهم لا يصدرون الكلمات من ألسنتهم إلا حزناً وخيانتاً وذكراً للتصرفات السيئة ولم نجد بين كلماتهم التفاؤل ومدح الشيء الجميل والصفات النبيلة والطامة بأنني عند البحث لم اجد من كتب شعراً عن والدته او اخته واترك لكم باقي التفاصيل مع الابيات الشعرية ، التي تحتوي اسقاطات عن مايختلج في خاطري
بسم الله الرحمن الرحيم
شاعر الموضة بـ علمك وش تكون؟؟
شاعريتك " ماش" عن الفاهمين
كامره ومكياج / عاملي : حنون
وسولك مشن اذا طبعك حزين
لعنبوك استرجل اشوية يادون
والغنج للي ( يحنون اليدين )
الشعر ماعاد له طعمٍ ولون
دام شعار " التترف " زايدين
بالقصيد المحتشم مايقصدون
تافهين ومن تبعهم .. تافهين
رقعوا قبح القصايد باللحون
وياكثر شيلاتهم .. يالسامعين
بختبار المعنى واجد يسقطون
وبختبار الوزن واجد ساقطين
الاذان قفار والمعنى مزون
وغيمهم ماهل منه " قطرتين "
علموهم يابشر لو يسمعون
والنصايح بوصلة للعاقلين
علمومهم بالمنابر ... يركدون
" رفعت الاصوات طبع الفاشلين "
علموهم للخطايا ... يدمحون
وعلموهم عن سجايا الطيبين
وعلموهم فيه ناسٍ ماتخون
ليه دايم شعرهم للخاينين
وعلموهم كيف يغضون العيون
ويسترون البنت من ابن الذين
فاضيين وبالحبيبة يكتبون
طيب امك .. قدرها ماهو ثمين
فاضيين وبالحبيبة يكتبون
طيب اختك قدرها ماهو ثمين
علموهم كيف ضحكات السنون
ليه دايم شعرهم ... جرح وأنين
علموهم بالكمخ لا يمدحون
المدايح خصصت للوافيين
علموهم ويش معناة ( الشجون )
في صدر من مات له ظهر وعوين
علموهم عن معاناة البدون ؟؟
يومهم يبكون ذكرى الراحلين
علموهم لايحركون السكون
القواعد شي مهم للعارفين
علموهم علموهم .. يقرؤون
والثقافة ميزة العقل الرزين
الشعر ماحط قدر " الاكرمون "
ولارفع له ناس اصلاً " هافيين "
مايطول النعم ناسٍ .. يبخلون
ولا رقى العليا ياكود الصاملين
ومانهضم حقوق جيل الايفون
تلقى فيهم ناس واجد مبدعين
للجنون فنون ياعصر الجنون
والقصيد السنع عند الاوليين
ليست هناك تعليقات:
إرسال تعليق